Балалар милли кейем серҙәрен аса!
15.09.2025
12 сентябрь – Милли кейем көнө уңайынан «Күңел утрауы» клубы ағзалары Сибай ҡалаһының 7-се һәм 8-се мәктәптәрендә уҡыусылар менән осрашты.
Оҫтабикәбеҙ Арсланова Әлфиә Фазылйән ҡыҙы балаларға башҡорт милли кейеменең тарихы, халҡыбыҙҙың борондан килгән йола-ғөрөф – ғәҙәттәре менән таныштырҙы, ҡатын-ҡыҙ биҙәүестәренең мәғәнәһен аңлатты.
Был осрашыу уҡыусыларҙа ҙур ҡыҙыҡһыу уятты, улар өсөн үткәнгә бер сәфәр булды, ә һәр әйтелгән һүҙ күңелдәрендә тәрән эҙ ҡалдырҙы.
Ошондай саралар йөрәктәрҙе йылыта, балаларҙа үҙ халҡына ихтирам һәм һөйөү тәрбиәләй. Милли кейем аша улар үткән менән киләсәкте бәйләп, үҙҙәрен башҡорт халҡының ҙур һәм татыу ғаиләһенең ҡәҙерле өлөшө итеп тойоуҙары айырыуса ҡыуаныслы.
